ခင်ဗျားတို့တော့မသိဘူး....ကျွန်တော်တော့အသက်ကြီးလာလေငယ်ငယ်ကအကြောင်းလေးတွေပြန်တွေးမိလေပ၊ဲငယ်ငယ်ကဘာရယ်မဟုတ်တွေးခဲ့တာလေးတွေလုပ်ခဲ့တာလေးတွေဟာ..အခုချိန်ပြန်စဉ်းစားကြည့်တော့..တော်တော်ချစ်စရာကောင်းနေတတ်တယ်..ကလေးစိတ် ကလေးအတွေးဟာရင်ထဲကခံစားချက်ကိုအစစ်အမှန်ဆုံးဖေါ်ပြတာပဲဆိုတာအခုအချိန်မှာပိုနားလည်လာမိတယ်..အခုလည်းကျွန်တော်တို့ညီအစ်ကိုနှစ်ယောက်သဲပြင်ပေါ်ကခြေရာလေးတစ်စုံအပေါ်ရူးသွပ်ခဲ့တဲ့အကြောင်းလေးပြောပြချင်တယ်
ဘာရယ်မဟုတ်ပါဘူးဗျာ..အခုအချိန်မှာပြန်တွေးမိတော့ကြည်ကြည်နူးနူးလေးခံစားမိပြီး..ပြုံးမိတယ်...
ကျွန်တော်တို့ငယ်ငယ်တုံးက...မင်းဘူးမြို့မှာနေတယ်..ဖေဖေရယ်..မေမေရယ်ကျွန်တော်တို့ညီအစ်ကိုနှစ်ယောက်ရယ်ပေါ့..အိမ်ငှားနေရတာပါ..ဖေဖေရော..မေမေရော
ကနှစ်ယောက်စလုံးဝန်ထမ်းတွေပေါ့...အဲ့ဒီတုန်းက...ကျွန်တော်က(၆)နှစ်..ပထမတန်းကျောင်းသားကြီးပေါ့..ညီလေးက(၄)နှစ်..သူကကျောင်းမနေရသေးဘူး....ကျွန်တော်တိုိ့ငှားနေတဲ့အိမ်က..ကမ်းနားလမ်းမှာ..ဝါဆို..ဝါခေါင်..ရေတက်ချိန်ဆိုအိမ်အောက်ကိုရေဝင်တတ်တော့..အိမ်ကခြေတံရှည်ဆောက်ထားတာ..အိမ်အောက်ရေဝင်လာပြီဆိုရင်..မိသားစုတစ်တွေ..အိမ်အပေါ်ထပ်မှာပဲနေကြရတယ်...ရေတက်ပြီးလို့..ရေကျသွားပြီဆိုရင်..အိမ်ဝန်းထဲမှာကျန်နေတဲ့ရေဗွက်တွေပျောက်အောင်..တစ်ဝိုင်းလုံးကိုသောင်သဲတွေအပြည့်ခင်းထားရတယ်...ဖေဖေရုံးကတော့မင်းဘူးမြို့မှာပဲဆိုတော့သိပ်ပြဿနာမရှိဘူး..တစ်ပတ်လုံးကျွန်တော်တို့ညီအစ်ကိုနှစ်ယောက်နဲ့အတူတူနေဖြစ်တယ်..ပြဿနာကမေမေပေါ့..ပျော်ဘွယ်ဆိုတဲ့ရွာကလေးမှာကျောင်းဆရာမသွားလုပ်ရတော့..တစ်ပတ်မှာ..ကျွန်တော်တို့ညီအစ်ကိုနှစ်ယောက်နဲ့နှစ်ရက်ပဲနေဖြစ်တယ်..တင်္နလာနေ့ဆိုမေမေရွာသွားပြီး..သောင်္ကြာနေ့မှမင်းဘူးကိုပြန်လာရတယ်..ကျန်တဲ့ငါးရက်လုံးကျွန်တော်တို့ညီအစ်ကိုနှစ်ယောက်မေမေကိုထိုင်လွမ်းနေရတာပေါ့...မေမေသွားတဲ့နေ့ဆိုညီလေးတော့မသိဘူး..ကျွန်တော်ရင်ထဲမှာတော့ဆို့နင့်ပြီးမျက်ရည်တွေဝိုင်းနေမိတယ်..ညီလေးလည်းခံစားရမှာပါပဲ..မေမေသွားမည့်နေ့ဆို..မေမေမျက်နှာလေးတကြည့်ကြည့်နဲ့သူလည်းမျက်ရည်တွေဝိုင်းနေတတ်တာပါပဲ...အဲ့ဒီစိတ်ဒဏ်ရာလေးဟာအခုအချိန်ထိရင်မှာရှတတလေးခံစားနေရတုန်းပဲ
ဒီလိုနဲ့တစ်နေ့ရေတွေတက်ပြီးလို့..အိမ်အောက်ထပ်မှာသောင်သဲတွေအပြည့်ခင်းထားတဲ့အချိန်ပေါ့...ညကမိုးတွေအရမ်းရွာထားတော့မိုးအေးအေးနဲ့ကွေးနေလိုက်ကြတာကျွန်တော်တို့ညီအစ်ကိုနိုးတဲ့အချိန်ကြတော့
မေမေမရှိတော့ဘူးမေမေကမနက်စောစောရွာကားနဲ့လိုက်ရတာဆိုတော့...
အိပ်ရေးကြီးနေတဲ့ကျွန်တော်တို့ညီအစ်ကိုနှစ်ယောက်မေမေကိုနုတ်မဆက်လိုက်ရတော့ဘူးပေါ့...အိပ်ရာကနိုးနိုးချင်းမေမေကိုလိုက်ရှာတော့မတွေ့ရတော့ဘူး...ကျွန်တော်တို့ညီအစ်ကိုနှစ်ယောက်အိမ်ရှေ့အပေါက်လေးမှာထိုင်ပြီးငိုင်နေမိကြတယ်...ညီလေးကလည်းမျက်လုံးလေးပေကလပ်ပေကလပ်နဲ့ပေါ့..အဲ့ဒီအချိန်မှာကျွန်တော်ဖျတ်ခနဲစဉ်းစားမိလိုက်တယ်..မေမေကမနက်စောစောထပြီးထမင်းချက်ရတာဆိုတော့..အောက်ထပ်သဲသောင်ပြင်ပေါ်မှာမေမေခြေရာလေးတွေထင်ကျန်နေခဲ့မှာပဲလို့တွေးမိပြီး...''ညီလေးရေ အောက်ထပ်မှာမေမေခြေရာလေးတွေကျန်ခဲ့မှာပဲ..ကိုကိုတို့လိုက်ရှာရအောင်''ဆိုပြီးညီလေးကိုခေါ်ပြီး..အိမ်အောက်ထပ်ကသဲပြင်ပေါ်မှာလိုက်ရှာနေမိတယ်...မေမေ့ခြေရာတစ်ခုတွေ့တိုင်းညီအစ်ကိုနှစ်ယောက်...ကျောက်ခဲလေးတွေနဲ့ကာပြီးဝိုင်းထားလိုက်တယ်...တစ်အိမ်လုံးကိုလည်းအမိန့်ထုတ်ထားလိုက်တယ်...မေမေခြေရာလေးတွေပျက်ကုန်မှာစိုးလို့...ဘယ်သူမှမနင်းပါနဲ့လို့...ဖေဖေကိုလည်းပြောထားလိုက်တော့..ဖေဖေကျွန်တော်တို့နှစ်ယောက်ကိုပြုံးကြည့်ခဲ့တဲ့အကြည့်လေးကိုလည်းမှတ်မှတ်ရရဖြစ်နေမိတယ်..ဖေဖေမှာလည်းပြုံးပြုံြးံပုံးပြုံး နဲ့မေမေ့ခြေရာလေးရှောင်ရတာအလုပ်တစ်ခုပေ့ါ...
ညီအစ်ကိုနှစ်ယောက်မေမေကိုလွမ်းတိုင်း...မေမေခြေရာလေးကိုကြည့်ပြီးအလွမ်းဖြေကြရတာ..
ဒါပေမယ့်ဗျာကြာကြာမကြည့်လိုက်ရပါဘူး...နှစ်ရက်လောက်ရှိတော့.မိုးတွေရွာတော့အိမ်အောက်ကိုမိုးရေတွေဝင်ပြီး..မေမေခြေရာလေးတွေပျက်ကုန်တာပေါ့...ဒီတော့ကျွန်တော်တို့ညီအစ်ကိုနှစ်ယောက်လည်း
ညနေဆိုအိမ်ပေါက်ဝလေးထိုင်ပြီးမေမေကိုမျှော်နေရတာပါပဲ။.......။
နေနီနီ
3/11/08
No comments:
Post a Comment